水光針自出現起就一直係熱門嘅美容項目，有唔少靚靚都會跟上潮流去打下，但其實你哋又知唔知自己係度做緊啲咩？有唔少靚靚嚟我哋度做水光療程嘅時候都話其實自己都唔知實際做緊啲乜嘢，有時打完水光好似冇打咁，有啲仲衰過未打之前，同返美容機構講又只會講你未打夠次數，冇乜效果係正常嚟推摚或者𠱁你買多啲package，今期ARUM Blog我哋就嚟講下水光針到底係點樣令到我哋皮膚變靚同埋機打、手打以及無針水光的分別。

水光針係一項利用負壓針將精華注入真皮層嘅療程，施術效果係取决於使用嘅精華功效係邊種，可以理解為將我哋平時skin care嘅產品直接打入去真皮層。

坊間常見嘅水光注射方法有3種，分別係手打水光、機打水光同無針水光。

手打水光亦即係用針直接注射入真皮層，手打水光嘅好處係施針嘅位置靈活，好似眼周、鼻翼、法令紋同淚溝呢啲會有高低起伏嘅區域都可以打到，而手打水光因為使用嘅針頭長，可以將水光精華注入更深層嘅皮膚，但同時亦都帶嚟一定嘅風險，雖然手打水光可以注射深度更深，但係非常考驗施術者嘅經驗，如果無足夠嘅經驗同技巧係非常容易將水光精華打入唔同深度嘅皮膚層，造成注射物不均嘅情況出現。除此之外，係完成注射之後皮膚紅腫或者生皮丘嘅情況會比機打水光更容易出現，針孔位置亦會更容易出現瘀青，恢復期亦都會比機打水光長，因為以上嘅原因，好多美容機構都會選擇使用機器注射水光。

機打水光因為可以自行調較想注射嘅深度，會比手打嘅更為精準注射物更均勻，加上機器可以利用負壓繃緊皮膚，力度平穩，注射速度快，皮膚會冇咁容易出現皮丘同瘀青，不過因為機器嘅探頭較大，一啲比較細緻嘅部位就無法充分打到，但勝在注射均勻同恢復期短。

而無針水光就係利用高壓噴槍或者超聲波導入儀係唔造成任何傷口嘅情況下導入水光精華到皮膚深層嚟達到補水保濕嘅功效。呢種方式嘅水光就無恢復期，無傷口，但亦因是透過非入侵性的方式導入水光精華，精華滲入皮膚的深度不足，效果不及侵入式水光持久，是初嘗水光者可以嘗試的療程。

以上資料嚟自醫生以及我哋多年嚟嘅經驗，未來亦都會持續更新唔同嘅文章專題，希望睇完會對你有幫助。